|
2008-12-28
Романтик кино үзэх тийм муу гэж үү?
Романтик кинонд ичимхий ч сайхан сэтгэлтэй залуу үзэсгэлэнт бүсгүйтэй учирч, маргалдаж салсан хосууд гайхалтай учир тохиолоор дахин уулзаж хэзээ ч дахиж бие биеэсээ салдаггүй. Үзэсгэлэнт Женнифер Лопес Ральф Феннсийн хамтаар тоглосон "Манхэттэний үйлчлэгч" киног үзээд сэтгэл гэгэлзээгүй хүн ховор биз ээ. Тэгвэл өнгөрсөн долоо хоногт Эдинбургийн Эриот Уаттын Их сургуулийн Гэр бүл, хувийн харилцааны Лабораторийн судлаачид 1995-2005 оны хооронд хийгдсэн Холливудын 40 романтик кинонд судалгаа хийж дуусчээ.
Судлаачдын болгоомжлох болсон нэгэн зүйл бол романтик кинонд гардаг үйл явдлууд хүмүүсийг бодит амьдрал дээрээ жинэхэнэ хайр сэтгэлээ олж авахад саад болж байна гэсэн итгэл юм. Сэтгэл судлаач эрдэмтэдийн ажигласнаар, хүмүүсийн олонхи нь хайр дурлалын талаар худал хуурмаг зарчимд итгэж амьдардаг ажээ: Тэр үнэхээр чамд хайртай бол чиний юу хүсч мөрөөддөгийг, юу хүсч байгааг ярилцахгүйгээр мэдэх болно, хүн болгон заяаны ханьтай, тэр заяаны хань нь зам дээр хүлээж байдаг гэх мэт. 130 сайн дурын оюутнууд дээр судалгаа хийхэд романтик кино үзсэн оюутнуудын дийлэнхи нь хувь заяа, учрал тохиолд итгэдэг байсан ажээ. Харин кино биднийг ийм болгож байна уу, эсвэл бидний бодол сэтгэхүйг кино зүгээр л дамжуулж байна уу? Аризоны Их сургуулийн эрдэмтэн Мари-Луи Галициан гэгч эмэгтэй 1990 онд мөн ийм судалгаа хийхэд дээрхтэй ижил дүн гарчээ. Өөрийгөө романтик киноны харгайгаар ганц бие амьдралаар дахин амьдрах болсондоо итгэдэг тэрээр романтик кино хэт их үзэхээс болгоомжлохыг уриалж байна. Гэсэн ч "манай талын баатрууд"-ын нэг Британийн Сэтгэл судлал, Зөвлөгөө, Эмчилгээний Холбооны тэргүүн Филип Ходзон өөрөөр үзэж байна: Магад амьдралаа холбоод 2-3 жил болоод урам хугарч байгаа хүмүүст романтик кино тэгэж нөлөөлдөг байж болох хэдий ч, ганц бие яваа хүмүүст романтик кино нь онгод, итгэл найдварын эх үүсвэр болдог, гэжээ. "Амьдралын хатуу үнэнийг даван туулахад зарим зүйлс бидэнд тусладаг. Хэн нэгэн Таныг хүлээж байгаа гэсэн бодол Танд итгэл найдварыг авчирдаг. Харин Холливуд тэрхүү итгэл найдварыг арилжаалдаг."
Melody: Ингээд би романтик кино үзсээр байхаар шийдлээ.
Эх сурвалж: http://www.time.com/time/health/article/0,8599,1868389,00.html
|
| .
Сэтгэгдэл бичих! .
Найздаа илгээх! . Уншсан: 1906 удаа
|
Сэтгэгдлүүд
|
Бичсэн: Zurai (зочин) 
2013-12-28 -