• Онгийн хийд нь Дундговь аймгийн Сайхан-овоо сумын нутагт
• Монгол орны төв хэсэгт тал хээрийн бүсэд оршдог
• Энэ нутагт тал хээрийн байгаль, говь нутаг, баянбүрд хослон оршдог
• Онгийн хийд нь тухайн үед монголын шарын шашны гол төв байсан бөгөөд говийн бүсийн том хийдүүдийн нэг байжээ.

• Онгийн хийд нь Онги голын урд, хойд эрэг дээр хоёр тусгай хийдээс бүрдэж байв
• Урд хийд 1760 онд байгуулагдсан бол
  Хойд хийд 1800 онд байгуулагдсан.
• 1937 онд Онгийн хийд устгагдсан.
• 1994 онд Онгийн хийдийг сэргээн босгох ажил өрнөсөн     

• Онгийн хийд нь сайн далдлагдсан, нам цав толгод дунд хайлаас модоор хүрээлэгдэн оршдог.
• Хүрлийн болон Хүннүгийн үеийн эртний сүг зураг, булш хиргисүүр бүхий түүхийн олдвор элбэг тохиолдох нутагт,
• Хархорин-Говийн чиглэлийн тэнхлэгт оршдог.

• 1994 онд Онгийн хийдийг сэргээн засварлах ажил эхэлсэн
• 2004 онд Лам Чодовын дуганыг сэргээв
• Хэлмэгдсэн лам нарын дурсгалд зориулан суварга бүтээв
• Эд өлгийн зүйлсийг цуглуулан 2 гэр музей байгуулав
• Одоогоор 17 лам ном хурдаг

• Хархорин-Өмнөговийн чиглэлийн  замд оршдог тул жуулчны урсгал дайран өнгөрдөг цэг
• Олон тооны сүг зураг, агуй, “13-р зууны баатарлаг гүнжийн булш” зэрэг сонирхлын цэгүүдийн ойр оршдог
• Онгийн голын экосистем сэргэсэн тохиолдолд байгалийн таатай нөхцөл бүрдэнэ
• Ахар Хайрханы ангийн отог
• Цаашид тогтмол ном хурдаг болох зэрэг олон давуу талтай

Сайхан-Овоо сумаас өндөр хүчдэлийн шугамыг 2008 онд татсан нь Онгийн хийдийн жуулчны баазуудад үр ашигтай байгаа. Сайхан-Говь, Цагаан-Овоо, Их Говь, Мөнх-Хаан зэрэг 5-6 жуулчны баазтай.

Монгол орны төв хэсэгт орших Дэлхийн цэвэр усны томоохон хагалбар цэг болох Хангайн нуруунаас эхтэй Онги гол нь хангай, тал хээр,говийн бүс нутгийг дамжин 435 км урсахдаа 175 км кв талбай бүхий Монголын говийн экологийн тэнцвэрийг хадгалахад онцгой нөлөөтэй Улаан нуурыг бий болгодог Онги голын эх цутгал голууд дээр 1993 оноос эхлэн жил бүр 30 гаруй ААН-үүд ашиглалт хайгуул явуулж ирснээс одоогийн байдлаар 2208 га талбайд ашиглалтын 7,хайгуулын 14 цэгт үйл ажиллагаа явагдаж байжээ.
Онги гол тасарч Улаан нуур ширгэсэн шалтгаан нь дээрх алт олборлолтын явцад голын гольдролуудыг бүр мөсөн өөрчилж техникийн болон байгалийн нөхөн сэргээлт огт хийхгүй орхисноос шууд хамааралтай болохыг Байгаль Орчны Яамны Хөндлөнгийн хянан магадлагааны ажлын хэсгийн дүгнэлтээр тогтоосон байна.Энд Монгол улсын Yндсэн хууль,Байгаль хамгаалах хууль,Ашигт малтмалын тухай хууль,Усны тухай хууль зэрэг гол гол хуулиудын тодорхой заалтууд ноцтой зөрчигдөж байна.
Онги гол тасарч Улаан нуур ширгэснээс тус бүс нутгийн 60 гаруй мянган хүн ундны болон хэрэглээний усаар гачигдаж, нэг сая гаруй мал сүрэг уух ус бэлчээрээр хомсдон, өөр аймаг сумдын нутагт дайжин нутаглахад хүрээд байгаа юм. Энэхүү үйл явц нь Онги гол болон Хангайн нуруунаас эх авсан нийт голуудын хувь заяанд бодит аюул, нөхөж баршгүй хохирол учруулсан. Голын ай сав дагуух иргэд байгалийн энэхүү сүйрэлд санаа зовниж,оршин тогтнохын үндэс болсон гол горхи,нуур, хүрээлэн буй байгаль орчноо хайрлан хамгаалах өөрсдийн идэвхи санаачлага, сайн дурын үндсэн дээр нэгдэж, нэгдсэн зохион байгуулалтанд орон ажиллах болсон юм.
“Онги голынхон” хөдөлгөөний хаяг: http://www.onggiriver.org,
утас 55150663