Британий музей /British museum/ 250 жилийн ойгоо тэмдэглэж байна. Энэ хугацаанд дэлхийн олон орноос гайхамшигт үзмэрүүдийг цуглуулан британчуудад дэлгэн харуулжээ. 


Египетийн танхимд үй олон занданшуулсан шарил байх юм.


Пасхийн арлаас /Easter Island/ олон тоннын жинтэй чулуун баримлыг авчирчээ.

 
Египетийн цог жавхлант фараон Тутанхамоны алтан багийг авчирснаар 1972 онд Британий музейг 1,694,117 хүн үзэж рекорд тогтоож байжээ.

Дэлхийн томоохон армийн тоонд зүй ёсоор орох Хятадын эртний шавар цэргүүдээс олон зууг далайгаар аялуулжээ.

Британий музейд мөн дэлхийн өнцөг булан бүрээс ирсэн, зарим нь цорын ганц хувь байх хосгүй гар бичмэл, номнууд бүхий номын сан, уншлагын танхим байдаг юм. Энэ танхимд Карл Маркс мэтийн алдартнууд судалгаагаа хийж байжээ.
20-р зууны эхээр алдарт Рой Чэпман Эндрюс Монголын говиос 70 тэмээ үлэг гүрвэлийн яс зөөснийхээ ачаар хожим түүний удирдсан Нью Йоркийн байгалийн түүхийн музей дэлхийд 1-рт орох палеонтологийн цуглуулгатай болсон юм. Британий музейд хүргэгдсэн түм буман үзмэр дунд Афин хотын ертөнцийн долоон гайхамшгийн тоонд орсон Парфенон сүмийн сийлбэр, зураг, чимэг бүхий хэсгийг грекийн засгийн газар эргүүлэн авахаар мөн ч олон жил хөөцөлдсөн. Египетчууд ч өөрсдийн эд баялгаа ухаан орсон хойноо нэхэж-нэхэж бараг юу ч эргүүлж аваагүй. Мэгжид Жанрайсигийн эх хувилбарыг оросууд 1930-аад онд буулгаад аваад явсан гэдэг. Зарим эх сурвалжаар, хайлуулаад сум хийсэн гэх, зарим нь Эрмитажийн музейд одоо хэр нь сан хөмрөгт нь байдаг гэх. Тэгвэл энэ хулгай юу, эсвэл зүгээр нэг газар юу нь мэдэгдэхгүй хэвтэж байснаас олон түмэн үзээд магтан шагширч байг гэсэн үг үү? Тэгвэл тэр үзсэн хүмүүсийн тасалбараас олсон ашгийг Гандан хийдийн 00-г тохижуулахад зарцуулаасай.
Энэ блогт ч би энд тэндхийн зураг, мэдээ баримт сэлтийг оруулдаг, энэ бас хулгай юу? Толгой эргэчихлээ...

Зургийг Time.com-c