Улаанбаатарын хорт утаанаас зугтах ганц өдөр таарч, компьютерийнхээ араас нэг ховхрон эрүүл агаарыг цээж дүүрэн амьсгалаад ирлээ. Төв аймгийн Батсүмбэр сум орох замд шинэхэн аппаратаараа авсан цөөн хэдэн зургаа блог бичигч, уншигч эрхэм нөхөдтэйгээ хуваалцая гэж бодсон юм.
Хэдий зурагчны ур чадваргүй ч гэсэн хаана юу байгаа нь мэдэгдэж, танигдах байх гэдэгт найдав.
Жаргаж буй нарны туяа уулсын оройд тусна.
Уулын цаагур өнхрөн орох нар цаг хугацаа хэр ахарханыг сануулах мэт яарна.
Анд минь өлсөв.
Зорьсон айлын гадаа очиход хөөрсөн ноход, даруухан инээвхийлж угтах айлын эзэн, манцуйндаа тайван нойрсох бяцхан булбарай хацарт жаал угтав.
Айлын авдарын таг нүдэнд тусаад ер болсонгүй, эд хогшил сонирхдог нэр зүүхвий хэмээн биеэ хэдий их барьсан ч тэсэхгүй зургийг нь дарав. 
За ингээд хамт явж ирсэн найздаа болон зургуудыг маань үзэж сонирхсон Та бүхэндээ баярлалаа. Хөдөө яваад ирснээс хойш сэтгэл санаа маш өөдрөг, баяр баясгалантай байгаагаа нуух юун. Амралт тун чухал гэдгийг ухаараад зогсохгүй, дараа өвөл ч бас ийм байдлаар ажлаа зохицуулан энэ айлдаа зочлохыг төлөвлөв. Харин та нар минь дараа жил заавал сануулаарай.
|
Бичсэн: 
Бичсэн: 
Бичсэн: 
Бичсэн: mess 
Бичсэн: 
2009-02-15 -