Архангай аймгийн Цэцэрлэг хотоор дайран өнгөрөх бүрдээ үзэсгэлэн төгс Булган уулыг харж сүрдсээр аян замаа үргэлжлүүлдэг билээ... Төрөл бүрийн хөхтөн амьтан, жигүүртэн шувуудын орон болсон Дархан Цаазат Булган уулын тухай өгүүлэхээ түр азнаад "гайхамшгийн авдар" гэмээр нэгэн газрын тухай ярих гэсэн юм.
"Эд нар надаас айж байгаа болов уу" хэмээн чулуун арслан сэтгэл зовнино.
1586 онд Заяын хүрээний дуганыг байгуулсан бол 1679 онд 5 дацан, 200 ламтай хийд болон өргөжжээ.
Түүхэн талаас өгүүлэхийг түр азнаад практик талаас энэхүү хийдэд юу олж үзэх, мэдэх боломжтойг бичихийг илүүд үзлээ: 1-рт мэдээж хэрэг, уран барилгын хийц. Давхар хоорондын шат, дамжлага, тулгуур, холбоос, дээвэр гэх мэт.
2-рт, хийд нь Архангай аймгийн музей болсон тул угсаатны зүйн нэн чухал 1000 гаруй үзмэр энд хадгалагдаж байна. 17-р зууны хийцийн, эдэлж хэрэглэж байсан иж бүрэн монгол гэр, мөн 19-р зууны эхэн үеийн монгол гэрийг харьцуулж үзэхэд гайхалтай. Эд өлгийн зүйлсээс гадна жинхэнэ монгол хийцийн олон төрлийн, заримыг нь урд өмнө үзэж хараагүй хөгжмийн зэмсгүүд байдаг. Монгол хөгжмийн гайхамшгийг энд л дэлгэн үзүүлж байна гэхэд хилсдэхгүй. Охид бүсгүйчүүдийн сонирхдог зүйлсээс 17-18-р зуунд хэрэглэж байсан гоёлын шаахай, платформ ултай төвд гутал: Арын сайхан хангай нутгийн цасанд хөлөө хайруулахгүй байх үүднээс платформ ултай гутлыг олон давхар эсгий ашиглан төвд лам нар урлаж өмсдөг байжээ. За ер нь бодоод байхад хосгүй энэ музейд та өөрийн биеэр хүрэлцэн очиж үзсэн нь дээр юм шиг байна, мөхөс миний үг хүрэлцэхгүй байна. 1000 гаруй үзмэртэйг санаарай!
|
Бичсэн: Enkhmaa (зочин) 
Бичсэн: 
Бичсэн: 
Ta hezee ochsiin be? bi ene zun ug ni ochsiishd... 
Бичсэн:
2009-11-20 -