|
2008-11-13
Вэб бие даан хийх гэдэг ч...
Сүүлийн 9 өдрийн турш хуучин вэбээ шинэчлэх гэж жаахан суулаа. Мэдээж хэрэг 4 жил сургуульд нь сураагүй, мэргэжлийн багшаар нарийн ширийнийг заалгаагүй мань мэтийн хүнд бэрхшээх зүйл зөндөө. Ядаж л Java script мэдэхгүй. Гэхдээ ямар ч л байсан өөрийн хэмжээндээ flash animation оруулаад арай гайгүй харагдахуйцаар царайг нь засчихлаа. Энэ явцад хэрэг болохуйц хэдэн зүйл тааралдлаа, уншигч Та ч над шиг өөрөө суралцагч бол мэдэхэд илүүдэхгүй байх.
1. Вэбийн меню хийхэд олон давхараар шаталсан, хулгана хүрмэгц задарч харагддаг нарийн бүтэцтэй меню хийхэд http://www.buttongenerator.com тус болно. Энэ нь online menu builder бөгөөд бусад ийм төрлийн сайтуудыг бодвол арай гайгүй, найдвартай санагдлаа, энгийн бөгөөд ойлгомжтой. Би олон янзын online menu builder туршиж үзсэнийг нуух юун.
2. Төрөл бүрийн судал бүхий фон гаргагч хэрэглүүр: http://www.stripemania.com/ хаягаар ороход арай хурдан, найдвартай ажиллагаатай санагдав. Photoshop, Illustrator мэтээр цагаа алдаж байхаар оролдоод үз.
3. Nashville-д оршин суудаг гэж өөрийгөө танилцуулагч нэгэн график дизайнерийн хаягаар орвол санаа авахаар түүний бүтээлүүдээс гадна хээ угалз бүхий фон тааралдлаа, юм хийдэг хүнд зүгээр л юм даа: SquidFingers орчуулбал наймаалжны тэмтрүүлүүд: http://www.squidfingers.com
За Танд хэрэг болохгүй ч гэсэн уншсанд баярлалаа. Мэхийн ёслов.
|
| .
Сэтгэгдэл бичих! .
Найздаа илгээх! . Уншсан: 571 удаа
|
Сэтгэгдлүүд
|
2009-03-18 -