Энэ нийтлэлд Санжид ахын маань авсан зураг бүхий говийн зарим ургамлын тухай мэдээллийг та бүхэндээ хүргэх гэж байна. Хэрэв санаж байгаа бол Санжид ахын тухай Хээнцэр цэцэг байх минь ч яалаа даа нийтлэлд өгүүлсэн билээ.
Vencetoxicum Sibiricum – Сибирь Тэмээн Хөх: Элс харвасан зөөлөн хөрсөнд үндэсний салмайгаар сайн үрждэг. Үр жимс нь хөх хэлбэртэй байдгаас ийм нэр авсан. Үр нь хийсч гардаг. Уламжлалт эмэнд ордог. Сүүн шүүстэй.
Tugarinovii Mongolica – навч нь цайвар ногоон өнгөтэй, хурц өргөстэй, тэвгэн найлзуур үүсгэдэг (розетта хэлбэр гэдэг), 2 см хүрэх цагаан нийлмэл цэцэгтэй, хайргат цөлийг бараадан ургадаг.
Stellaria Dichotoma – Ацан Ажгана: бөмбөгөн хэлбэр үүсгэж ургана. Уламжлалт танад ордог. Товчилсон бүтэцтэй, 0,5 см хүрэх цэцэгтэй.
Setaria Glauca - Хөх Ногоон Хоногуудай: Ногоон Хоногуудайнаас ялгагдах онцлог нь хүрэнтэж хатдаг, сайр дагаж ургана.
Potanina Mongolica – 0,5 см хүрэхүйц гурван дэлбээт цагаан цэцэгтэй, Дөрөвдөгчийн Мөстлөгийн үлдэгдэл ургамал, бутаар салж үрждэг, олон жилээр ичмэл байдалд зусдаг тул “Хойрго”, хулан дуртай иддэгээс “Хулан Хойрго” хэмээх нэртэй болсон. Үрлэх нь маш ховор.
Oxytropis Grubovii – Грубов Ортууз: Төв Азийн унаган ургамал, 4-р сарын сүүлчээс тод ягаан өнгийн цэцэг үүсгэдэг, нэн ховор ургамал. Монголчууд үхэр ортууз хэмээн нэрлэдэг.
Oxytropis Grubovii – Грубов Ортууз цэцэглэсэн байдал. Зургийг Дорждэрэм (ОТ Төсөл).
Oxytropis Acyphilla – Өргөст Ортууз (Цагаан Ортууз): тал бөмбөлөг хэлбэртэй, хавар эрт цэцэглэдэг, 1,5 см хүрэх тод ягаан цэцэгтэй, навчны бариул нь хурц өргөс болон үлддэг.
Oxytropis Acyphilla – Өргөст Ортууз (Цагаан Ортууз) цэцгийн байдал.
Olgeae Leucophylla - Цагаан Навчит Хасзул: – 5 см хүрэхүйц ягаан улаан нийлмэл цэцэгтэй. Хонгорзултай төстэй. Навч нь урт, хурц өргөстэй.
Guldenstaedthae Monophylla – Ганц Навчит Салжир: нэн ховор, 1 см хүрэх цагаан цэцэгтэй, тэвгэн найлзууртай, навч нь ширүүн үстэй. Хунчиртай төстэй.
Vencetoxicum Sibiricum – Сибирь Тэмээн Хөх: Элс харвасан зөөлөн хөрсөнд үндэсний салмайгаар сайн үрждэг. Үр жимс нь хөх хэлбэртэй байдгаас ийм нэр авсан. Үр нь хийсч гардаг. Уламжлалт эмэнд ордог. Сүүн шүүстэй.
Бас нэг 7 ширхэг зураг бүхий ургамлын тухай мэдээлэл оруулах гэсэн боловч зураг хураадаг сайт маань гацжээ, дараа л гаргахаас. Сайхан шинэлээрэй БЛОГМН, сайхан шинэлээрэй Санжид ахаа.
|
Бичсэн: Б.Галмандах (зочин) 
Бичсэн: 
2017-04-18 -