|
2008-12-04
Мюсли - хоол уу хор уу? Үзэмж төгөлдөр болгох өглөөний унд+эрч хүч+эрүүл мэнд=шидэт хольц
Мюсли гэгч энэ гялгар уут, хайрцганд савласан малын тэжээл шиг хүнсийг ер ойлгохгүй олон жил явлаа. Жуулчид өглөөний цайндаа сүүтэй хольж идэх дуртайг нь яана. Хааяа амны зугаа гаргах гэж, тогооч ах нартай хууч хөөрөх зуураа "овьёос" дундаас нь ганц нэг ширхэг самар, үзэм, жимсний хэлтэрхийг нь түүдэг байлаа.
Дүү нар олигтой тэжээллэг хоол унд идэж чадахгүй байгааг эгч хүн болж төрсөн би ажиглалгүй яахав. Намар дэлгүүр хэсэхдээ нэг уут мюсли 3500 төг-р авлаа. Нөгөөдөхөө жигтэйхэн хуурамч дүр гарган магтаж магтаж өглөө нь сүүтэй холиод хоёр дүүгээ тэжээв. Үзэм, төрөл бүрийн самар, бас болоогүй хатаасан гадил мэтийн нэрийг нь мэдэхгүй жимсний хэлтэрхий бүхий нэгэн хольц байдгийг Уншигч Та андахгүй биз ээ.
Тэр өдөр нь юу ч ажиглагдсангүй, мэдэгдсэн ч гүй. Гэтэл маргаашнаас нь сонин зүйл ухаарав. Ажилдаа өглөө 7 хагаст очоод 10 цаг өнгөрөөд л дайнд яваад ирсэн мэт өлсдөг би нэг мэдсэн үд дунд болчихсон, ходоод маань ямарч дохио өгөөгүй, харанга дэлдээгүй байлаа. Юу болох нь энэ вэ? За би ерөөсөө workaholic /ажилдаа донтогч/ болжээ. Тэр өдрөөс эхлэн гэдэсний гүрвэлзэх хөдөлгөөн гайхалтай сайжирч би гэдэг хүн нэг ч гэсэн стресс үүсгэгч хүчин зүйлээс салав даа. Танд зөвлөхөд: мюсли нь соёлт ертөнцөд "завтрак красоты" буюу "гоо сайхныг авчрах өглөөний унд" гэж нэрлэгддэг, маш олон төрлийн аминдэм агуулдаг, тун хөнгөн хоол бөгөөд бодисын солилцоо, 12 нугалаа гэдэсний ажиллагааг идэвхижүүлдэг, цусан дах холестерины хэмжээг 10% бууруулдаг юм байна. Сүү, буцалсан ус, шүүс зэрэгтэй хольж болно. гол нь сүүгээ нэмж хийсний дараа 30 мин дэвтээх хэрэгтэй. Зөгийн балтай хольж идвэл бүүр ч сайн гэнэ. Мюсли нь Таны 12 нугалаа гэдэсний ханыг сойз шиг цэвэрлэдэг гэнэ.
Өглөөг зөв эхэлвэл Эрхэм Та бүхэл өдрийн турш эрч хүчтэй цоглог явна шүү дээ. 3500 төг халааслаад дэлгүүр гар даа.
|
| .
Сэтгэгдэл бичих! .
Найздаа илгээх! . Уншсан: 785 удаа
|
Сэтгэгдлүүд
|
Бичсэн: bolor (зочин) 
Бичсэн: 
яарч бхад ч ёстой амар шүү. гэхдээ байнга идээд бхаар аппетитгүй болчихдог юм шиг
2009-01-15 -